domingo, 30 de xaneiro de 2022

Ruta Carballeiras de Brión

 

Distancia 

16,5 km 

Dificultade 

Fácil

Tempo

5:30

Recorrido

Circular

M.I.D.E.

1.2.2.3.

Descarga do roteiro

Track da ruta



Non é preciso achegarse á montaña para pasar unha xornada de sendeirismo agradable. Isto foi o que nos aconteceu con esta ruta polas terras de Brión. Un percorrido próximo ao río Tambre, pero que nos transporta a tempos pasados, camiñando por cómodos camiños baixo espesas carballeiras. Unha gozada para os sentidos.





A ruta comeza nada máis cruzar o Tambre na chamada ponte de Ons. Na ribeira brionesa podemos ver as instalacións de un clube de remo, xunto ao seu balado é un bo lugar para deixar o coche. Temos que ter coidado coa estrada, pero no outro lado, vemos un camiño lixeiramente ascendente. Hai paneis de sendeirismo, en este caso non é para a nosa ruta, na zona hai varias, pero coinciden bastante co noso percorrido. O primeiro panel sinala a Ruta da Lamprea.





Esta ruta é máxica desde os primeiros pasos. O camiño era ancho, practicamente chan, e cuberto por unha alfombra de follas vermellas das árbores. Sobre o camiño as grandes polas de carballos, castiñeiros e algún cerquiño cubertos de musgo. Arrancamos ben cedo nun día de inverno, facía moito frío e a xeada aínda non desaparecera. O ruído dos nosos pasos era formidable, criscando a cada pisada sobre as follas e as laminiñas de xeo.






Como estamos no inverno, as árbores están sen folla, o que nos permite contemplar o Tambre dende o camiño como si de un balcón se tratase. As augas ían lentas, estamos moi próximos a un encoro e a forza da auga sénteo, pero esas augas calmas son a excusa que teñen os múltiples remeiros que víamos nas súas piraguas mentres camiñábamos. Cada pouco tempo víamos indicacións que sinalaban pesqueiras antigas, construcións feitas décadas atrás para poder pescar lampreas.






O camiño vai a dar á primeira aldea da xornada, Forxán. É a típica aldea con trama bastante pechada, que prácticamente rodearemos pasando polo castro de Froxán, onde podemos ver claramente os seus parapetos, pero debemos indicar que non está escavado. Avandonamos a aldea por unha pista, e xa na veciña Ombre viramos á nosa dereita entre plantacións de millo buscando o río Viceso que nos acompañará ata a próxima localidade.





Antes de chegar a Pousada atopamos o cruceiro de Goriña, moi curioso este, datado a finais do século XVII destaca por unha pequena fornacina na zona superior do fuste que acolle unha pequena escultura da Virxe co Neno. Desde este punto toca pista asfaltada, entre aldeas e prados, treito moi cómodo dos que se aproveita para subir a media.





A última aldea pola que transitamos foi Ons, e a súa enorme igrexa serveunos para facer a paradiña do xantar no seu adro. A igrexa estaba pechada, e segundo indican uns carteis informativos, no seu interior hai un fermoso retablo pétreo barroco de finais do século XVIII. Quedamos coas ganas de velo, e sentamos detrás da ábsida para comer un bocadillo con vistas ao val.





Saíndo de Ons iniciamos o terceiro treito da ruta, a interese volve a ser tremenda. Volvemos a adentrarnos na fraga na busca do Tambre con bastante desnivel, pero o certo é que tan só faltaba que saíse unha fada encantadora ou algún gnomo do sombreiro dun cogumelo.





Fixemos unha pequeniña derivación de uns metros para achegarnos ao río e ver os restos den unha pesqueira. As pesqueiras eran construcións a base de fileiras de rochas a modo de corredor, con unha serie de ocos nos que se penduraban unha trampa a base de redes para capturar lampreas. Actualmente están abandonadas, pero son parte do patrimonio das nosas ribeiras.





O camiño de volta aínda nos deixaba unha sorpresa, o chamado Pozo Negro, unha pequena fervenza que formaba o regato de Chavielos de camiño ao Tambre. Os seis metros de caída son unha delicia, que nos animan a que nos acheguemos ao salto ata chegar a un pozo escuro onde morre, de aí o seu nome.





Xa non queda nada para chegar á ponte de Ons e rematar a ruta. Seguimos na mesta carballeira ata os últimos metros. A nós chiflounos esta andaina, pero xa nos diredes como vos foi a vos.




2 comentarios:

  1. CNC machines function built-in instruments for drilling and slicing, and after materials are placed inside them, the computer will guide the drilling and slicing instruments to work their magic. Computer Numerical Control machining is a versatile, high-precision conventional manufacturing process that’s ideal for medium to high-volume production runs of complicated elements. With CNC machining, manufacturers can quickly produce prototypes and durable elements for particular functions. CNC machining is a producing process in which pre-programmed pc software program dictates the motion of manufacturing unit instruments and machinery. Using sort of|this type of|this type of} machine versus handbook machining vacuum storage bags for comforters can result in|may end up in|can lead to} improved accuracy, increased production speeds, enhanced security, increased effectivity, and most of all price savings. The measurement and number of segments are determined by the accuracy required and the strategy chosen, and can directly affect the execution.

    ResponderEliminar
  2. In the global Casino Segment, USA, Canada, Europe and Asia-Pacific will drive the 3.7% CAGR estimated for this phase. These regional markets accounting for a combined market dimension of US$116.3 Billion will attain a projected dimension of US$149.9 Billion by the shut of the evaluation interval. The global marketplace for Gambling estimated at US$747.9 Billion in yr 2022, is projected to reach a revised dimension of US$876 Billion by 2026, rising at a CAGR of 3.6% over the evaluation interval. Don’t overlook, lots of laws have 토토사이트 also been relaxed to accommodate online gambling.

    ResponderEliminar